Shillong, Nohprah 12 : Ki Pulit ka East Khasi Hills, kila ioh kem ia 2 ngut ki nongkhaii drok kiba dei na Manipur bad ioh kurup heroin ba khia haduh 106.06 gram.
Ia kine ki nongkhaii drok la ioh ban kem na Umphyrnai kaba hap hapoh ka Madanrting Police Station, hynne ka sngi Palei.
Kine ki arngut ki dei kiba la ithuh da u Dontanglian (39) bad ka Chingneilun (30) ong ki Pulit.
Ha ka jingtalasi, ki Pulit kila ioh kurup ia 10 tylli ki synduk sabon kiba thep ia u heroin ba khot 106.06 gram. Nalor une u droks, ki Pulit kila kurup ruh ia artylli ki mobile phone.
