Shillong, Kyllalyngkot 30: Ha ryngkat bad ka ri hi baroh kawei, ka jylla Meghalaya hynne ka Lah Sngi u Blei kala pynlong ia ka jingsngap jar kaba ar minit kum shi bynta ban kynmaw burom na ka bynta kito kiba la len ia la ka jong ka jingim ha ka jingiakhun ban pynioh iaka ri India ia ka jinglaitluid.
Kane ka sngi kadei ka sngi ban kynmaw burom iaka sngi iap jong u Kpa ka ri u Mahatma Gandhi.
Ha ka nongbah Shillong la pynlong ia ka jingsngap jar kaba ar minit ha Main Secretariat ha kaba la wan ban iashimbynta da ki heh ophisar sorkar hapoh ka jingialam u Chief Secretary u Bah DP Wahlang.
Kum shi bynta jong ka jingrakhe la pynlong ruh ia ka jingbuh syntiew ha u mot sahnam jong u Mahatma Gandhi ia kaba la iashimbynta da u Chief Secretary bad kiwei kiwei ki heh ophisar sorkar.
