spot_img

Kynmaw burom ka KSU ia ka lyngkhuh sngi iap ba 29 snem u Bah Bull Lyngdoh

Date:

Share post:

Shillong, Nohprah 07: Ka Khasi Student Union (KSU) hynne ka sngi kala rakhe iaka jingdap 29 snem ka sngi lyngkhuh sngi iap u Bah Bull Lyngdoh u badei u president barim ka KSU.

Lah ban kdew hangne, u Bah Bull Lyngdoh (Bam Kwai Dwar U Blei) ula bat kum u President ka KSU naduh 1983 haduh 1990 bad ula bat ruh kum u Secretary General ka North East Student Union (NERSU).

Kynmaw burom ka KSU ia ka lyngkhuh sngi iap ba 29 snem u Bah Bull Lyngdoh

Ha kane ka sngi kynmaw burom ia lyngkhuh sngi iap u Bah Bull, la wan shim bynta lang ka para Kong Hana Lyngdoh, ki nongialam ka KSU CEC ba kynthup u General Secretary u samla Donald V Thabah bad ki dkhot na ki unit bad ki circle bapher bapher.

Ki nongiashimbynta kila leit buh syntiew ha u Mot Dur jong u Bah Bull uba don ha Malki bad kala don ruh ka jingduwai bad ka jingsngap jar ban kynmaw burom.

Haba kren ha kane ka sngi u samla Donald ula iathuh ba ka mynsiem ialeh u Bah Bull ka dang im haki mynsiem ki dkhot ka seng bad ka jaidbynriew ka sngew sarong ban ioh pynmih kum une u khla wait uba dap shynrang, uba len ialade naka bynta ban im ka jaidbynriew.

Kynmaw burom ka KSU ia ka lyngkhuh sngi iap ba 29 snem u Bah Bull Lyngdoh

U samla Donald ula pynkynmaw ba haka por jong u Bah Bull kila don bun ki shnong bad ki dong Khasi kiba la jan kylla long ki shnong jong ki jaidbynriew Nepali kum ka Mawlai, Mawprem, Nongmymsong, hynrei namar ka jingieng Rangbah bad ka jingiakhun u Bah Bull, ki jaidbynriew Nepali kila phet noh.

“Kam pher ba lada kita ki briew jong ka Sorkar kim ithuh ïa une u rangbah uba la shakri ïa ka ri bad ka Jaidbynriew hynrei ki paradoh para snam bad ki paidbah ka Bri u Hynñiewtrep ki ithuh ia u Bah Bull kum u nongialam ba len lade naka bynta ka jaidbynriew” ong u samla Donald.

Nalor kane u samla Donald ula ong ruh ba nalor ki nongshun ka jaidbynriew ki don ruh ki kruiñ jong ka Jaidbynriew kiba long kita ki nonglilam ïa ka Jaidbynriew, kiba bishni ban peit matdong, kiba thaw ki khana lamler ban kynnoh lai phew jait ïa ki nongialam ka KSU.

Share post:

spot_img
spot_img

Popular

More like this
Related

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...