Shillong, Naitung 15: Ka jingpyntreikam iaka Special Intensive Revision (SIR) ha Meghalaya ka la poi haduh 89.03% ha kaba la sam 20,91,781 tylli ki Form Enumeration na ki 23,49,645 ngut ki nongthep vote haduh ka 15 tarik Naitung, ong ka kaiphod ba pyllait da u Chief Electoral Officer.
Kane ka jingpyntreikam iaka SIR ha Meghalaya kadei kaba bthah daka Election Commission of India kum shi bynta ban pynkhreh ia ka thup kyrteng ki nongthep vote (Electoral Roll) hashwa ka ilekshon ban wan.
Katkum ka kaiphod, ki Form Enumeration kiba la dep ban pynrung haki kor digital haduh mynta ki long 6,72,094 tylli kaba la kot sha ka 28.60% ha ka jylla.
Ka ophis jong u CEO ka la pynpaw ba ka jingsam ïa ki Form jingkheiñ briew haki thliew ïing da ki Booth Level Officers ka dang ïaid shakhmat ha baroh 12 tylli ki district nalor ka jingpynrung iaki Form haki kor Digital kumba la bthah daka ECI.
Ka South West Garo Hills ka lamkhmat ha kaba ïadei bad ka jingsam iaki Form kaba la kot haduh 99.96%, bud sa ka West Jaiñtia Hills 99.33% bad ka North Garo Hills kaba kot 96.62%.
Ka South West Khasi Hills bad ka Ri-Bhoi ruh ki paw bha napdeng ki 5 tylli ki district ha ka jingsam Form ha kaba ki la kot 96.39% bad 94.79%.
Ha kaba ïadei bad ka jingpynrung iaki Form haki kor Digital, ka East Jaiñtia Hills ka wan hakhmat haba la dep ban pynrung haduh 48.01%, bud sa ka South West Khasi Hills 46.02%, Eastern West Khasi Hills 41.36%, South West Garo Hills 40.33%, bad ka West Garo Hills 38.57%.
Ka East Khasi Hills kaba dei ka district kaba don bun eh ki nongthep vote kaba don 6,32,146 ngut, ka la kot haduh 78.60 % ka jingsam iaki Form bad 14.08% ka jingpynrung iaki Form haki kor Digital.
Ki mat ba kongsan ba la kdew da ka ophis jong u CEO ki kynthup ïa ka jinglah ban Download iaki 3,551 tylli ki Form Enumeration da ki BLO, kaba pyni ïa ka jingpyndep 100% jong ki kam halor ka SIR katkum ka por ba la buh da ka Election Commission.
U CEO u la kyrpad ïa ki nongthep vote ki bym pat ïoh aiti iaki Enumeration Form ba kin ïatreilang bad ki BLO ha ka por ba ki wan sha ki ïing bad ban pyndep kloi ïa ka jingpynrung kyrteng.
La bthah ruh ïa ki nongthep vote ba kin ïakynduh ïa la ki BLO na ka bynta kino kino ki jingïarap.
 ha Meghalaya ka la poi haduh 89.03% ha kaba la sam 20,91,781 tylli ki Form Enumeration na ki 23,49,645 ngut ki nongthep vote haduh ka 15 tarik Naitung, ong ka kaiphod ba pyllait da u Chief Electoral Officer.){kind=link}