Shillong, Nailar 01: Ka surok National Highway-44 ha Ri-War Mihngi, kala kynjah slam slam na ka jingtreikam pura jong ka pakhang surok ba 24 kynta ba la khot da ka Khasi Students Union-South Central Circle hynne ka sngi ba-ar.
Kane ka pakhang surok ha ka surok Shillong-Pynursla kala treikam naduh ka por 5 baje mynstep bad la sakhi ia ka jingkyn jah jar jar jong ki surok bad ki shnong ki thaw ba wat ki dukan ruh kila khang khyrdep lut khlem da iakren ia ki kali, ki bym shym la don satia wat kawei ruh ban iaid ha surok.
Kane ka jingiakhih jong ka KSU-South Central Circle ka dei kaba la pynlong halor ka nongrim ban pynbor ia ka Sorkar ba kan maramot noh ia ka surok kaba la sniew shaba palat haduh ba ka la ktah ia ka iaid ka ieng ki paidbah bad buh jingma ruh ia ki nongiaid nongieng.
Ia kane ka pakhang shnong ka kyrshan ruh da ka Khasi-Jaintia Truck Drivers’ and Owners’ Union, Association of All India Tourists Permit ka Pynursla, Pynursla Sumo, Taxi, Maxi Owners’ Association , HNYF, FKJGP bad ka Pynursla Taxi Association.
Ka KSU ha ka kyrwoh kala pyntip ba yn ym shah ia ki kali ba kin wan rung sha Pynursla la ki dei kiba wan na ka phang na Shillong ne na Dawki.
Pule ruh: Tyrwa ka Sorkar ban ai da ka ‘Cashless Health Card’ ia ki Nongtrei Sorkar
