Shillong, Jylliew 18 : Ki heh BJP na Meghalaya hapoh ka jingialam jong u dkhot ka BJP National Council Bah Bashailang Khongwir ryngkat ka jingdonlang u National Vice President bad incharge ia ka Meghalaya, u Dr. Chuba Ao ha ka sngi Thohdieng ki la kynduh ia u Myntri ka tnad Tribal Affairs ka sorkar pdeng, u Arjun Munda ban phah tuklar ia ka jingpyntrei ia ki bun tylli ki Eklavya Model School kiba la mang na ka bynta ka Meghalaya hynrei ki bym pat sdang pat haduh mynta.
Ha kane ka jingkynduh, kitei ki heh BJP ki la iakren ruh na ka bynta banpynlong ia ka National Tribal Festival nalor kiwei kiwei.
Hadien kane, kitei ki arngut ki la kynduh ruh iau Myntri Khynnah ka sorkar pdeng, u Dr. Bhagwat Kishanrao Karad halor ka jingkyrshan pisa ia ka jylla nalor ka jingkyrpad ban ailad kham bun ki land export point ha ka jylla.
La ong ruh ba kitei baroh arngut ki Myntri ka sorkar pdeng ki la pdiang ia ka jingkyrpad jong kitei ki heh BJP bad kular ruh ban leh ia kaba donkam, ong ka kyrwoh na ka BJP.
