Shillong, Naiwieng 27 : Ki riew runar ki bym lah ban ithuh, kila kyndang ia ka kali u Nongthoh khubor bad rong tuh ia ki laptop bad hard drive, kaba pynieng habar jong ka Shillong Press Club, Lower Lachumiere.
Kane ka jingjia kala jia ha ka miet sngi Ba-ar, ha ka por 9 baje eiei.
Une u Nongthoh khubor bala ithuh da u Bah Martin Nongkhlaw, ula pynieng iala ka jong ka kali Venue ba don u nombor ML05-X-1788 shabar ka phylla ka Shillong Press Club.
Ki nongtuh kila rong tuh ia artylli ki laptop, ki hard drive bad kiwei kiwei ki tiar ba donkam,kiba thep ha ka pla nalor kawei ka pla rit.
U Bah Martin ula ujor ia ka ejahar ha Sadar Police Station bad ki Pulit kila sdang ia ka jingtohkit ban lap bad kem ia ki briew kiba donkti.
