spot_img

Kyndang ka FKJGP ia ki bar jylla kiba thmu buh dukan ha 15 Mer Ri Bhoi

Date:

Share post:

Nongpoh Nailur 07: Shisngi hadien ba ki bor sorkar ka Assam, kila kyndang naphang ia ki dukan bad ki ïing kiba don ha Iew 15Mer ha ka liang Assam, hynne ka sngi Saitjain, ka seng Federation of Khasi Jaintia and Garo People’s (FKJGP) kala leit khang noh ia ki dukan kiba la wan buh be-ain ha ka 15 Mer, Ri Bhoi bad ka maham ba kim dei ban buh dukan ha ki jaka jongka Meghalaya.

Ka seng FKJGP hapoh ka jingialam u Samla Kitbor Suting, Organising Secretary ka FKJGP Byrnihat Circle ryngkat ka jingdonlang u Vice President ka FKJGP NKHD u Bah Lumlang Mawnai, kila leit ban khang ia ki dukan jong ki katto katne ngut ki briew bym ithuh ithaw, kiba la wan ban buh dukan harud ka surobah NH-6 kaba hap hapoh u pud u sam ka shnong 15Mer, Ri Bhoi.

Ka FKJGP, kala leit ban maham ia ki bar jylla ba kim bit ban wan buh dukan hapoh katei ka jaka kaba la hap sha Meghalaya.

Kyndang ka FKJGP ia ki bar jylla kiba thmu buh dukan ha 15 Mer Ri Bhoi

U Samla Kitborlang Suting, haba iakren bad ki nongthoh khubor, ula ong ba ka seng kan ym ailad ia kitei ki briew kiba la shah kyndang na Assam ba kin wan buh dukan pat hapoh u pud u sam jongka jylla Meghalaya.

Ula ong, ka seng kan iai peitngor bha nangne shakhmat bad lada lap ia kino kino kiba la shah beh na Assam ba kin wan buh dukan ne ban wan sah ha Meghalaya, kumta ka seng kan beh krad beit ia ki.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...