Nongpoh, Jymmang 09: Ha Kawei ka jingjia kylla kali kaba la jia mynta ka janmiet ha ka por 3 baje eiei janmiet, kawei ka trok kit marbam jong ki shipai, ka la kylla lyngdang ha kawei ka surok khongdong jong ka NH-6, kaba hap hapoh u pud u Sam ka shnong Quinine, Ri Bhoi.
Ha katei ka jingjia, kam shym la don kano kano ka jingjia ba sngewsih ne mynsaw ki shipai kiba shong hapoh katei ka trok, hynrei ka la shu don tang ka jingjulor ia katei ka kali bad ki mar ba la kit hapoh katei ka trok.
Katei ka jaka ba la kylla katei ka trok shipai, ka dei kawei na ki jaka ba shait jia khah khah ki jingjia kylla kali bad khamtam eh ki kali na kiwei ki jylla, kibym pat tip bha ia jinglong ka surok.
