Shillong,Jymmang 28: Kumba hynniew ngut ki briew kila mynsaw ryngkat kawei ka longkmie, hadien ba kawei ka kali kamai Eeco kala kylla hajan ka shnong Wahlakhiat.
Ka Wahlakhiat kadei kaba hap hapoh ka Mawkynrew Constituency, East Khasi Hills District.
Kane ka jingjia kala jia ha ka 27 tarik Jymmang ha ka por 12 baje mysngi bad kane ka kali ka dei kaba ju kamai na ka thain Mawkynrew bad Shillong manla ka sngi.
Kat kum ka jingiathuh u MLA ka thain Bah Banteidor Lyngdoh, ka jingkylla jong kane ka kali kamai kadei namar ka jingpynher sted palat jong u nongniah bad ynda la poi ha kawei ka jaka ba long khun (turning point) ha shwa ban poi sha shnong, u nongniah u khlem lah shuh ban teh lakam bad kane ka kali kala kylla noh.
Ki briew kiba shong hapoh ka kali ki don hynriew ngut bad napdeng kine, iwei I dei i longkmie iba la kham mynsaw bad la phah ban sumar hynrei kiwei pat ki shu mynsaw malu mala.
U la iathuh ba ia kine kiba mynsaw la pynkit noh sha North Eastern Indira Gandhi Regional Institute of Health and Medical Sciences (NEIGRIHMS) ban ioh ia ka jingsumar.
