Nongpoh, Risaw 16: Bun ngut ki nongleit nongwan kila lait thaw na ka jingjia ba sngewsih, hadien ba kawei ka bus Night Super kaba ki shong kala kylla syndet hapdeng jongka surokbah National Highway 06 ha ka shnong Umling ha Ri Bhoi District kane ka jingjia ka la jia hynne ka step ha ka por 7 baje eiei.
La ioh jingtip, ba kane ka jingkylla jong kane ka bus kaba don ia u number ML05 L 8998 kadei namar ka jingpynher sted da u nongniah ia katei ka bus bad la kynnoh ruh ba une u nongniah udei uba la shoh khawiang.
Watla kam shem la don kano kano ka jingmynsaw ia ki nongleit nongwan ha katei ka bus, hynrei la don tang ka jingdheng kali kaba la neh katto katne kynta namar ka jingkylla jong kane ka bus na shilliang surok sha shilliang pat.
Na ka liang ki bor pulit ka Nongpoh Police Station bad Traffic kila poi mar mar ha katei ka jaka ban tan noh ia katei ka bus bad ka jingtohkit ka dang iaid halor kane ka jingjia.
