Guwahati, Rymphang 16: Ka jingïakynad kaba khie biang ha khappud jong ka jylla Assam–Nagaland ha Golaghat district ha ka sngi U Blei hadien ba la kynnoh ba ki bor pahara Central Reserve Police Force (CRPF) ki la shah thombor ha ki trai shnong na Nagaland ha ka jaka ïakynad ne disputed area belt (DAB) kaba hap hapoh ka Sarupathar subdivision.
Kane ka jingjia la iathuh kala jia ha ka shnong Chainpur, Assam bad na ka shnong Ralan, Nagaland — ka jaka kaba jur bha ka jingiakynad namar ka jingia kam trai ia ka jaka kaba la slem bha.
Ki tyllong khubor ki iathuh ba kawei ka petrol pump kaba la shna mynshwa da ki kynhun Naga ha katei ka jaka ba don ka jingiakynad bad ka la shah khang noh hadien ka jingiatreilang jong ki bor synshar jong baroh ar tylli ki jylla. Ha ka sngi U Blei, la iathuh ba ki pulit CRPF ki la leit jngoh ia katei ka jaka ban khanglad ia kano kano ka jingpyrshang ban plie biang ia katei ka jaka theh umphniang.
Hynrei la kynnoh ba ki la ia tyngkhuh bad ka kynhun ki nongshong shnong Naga ha ryngkat bad ki tiar pynmynsaw kiba nep, ki dieng bad ka catapults.Wat la ki don ki tiar ialeh, hynrei la iathuh ba ki bor pahara ki la hap ban kynriah noh na katei ka jaka.
Na kane ka jingjia ka la pynmih biang sa shisien ïa ki jingsngewkhia ha ka thaiñ khappud, kaba la sakhi ïa ki jingmih ka jingiakynad man ka por ha ki por ba la leit noh.
Katkum ka khubor, la kynnoh ba ki nongshong shnong ki la thombor ia ka kynhun CRPF bad pynbor ia ki ban kynriah noh na katei ka jaka.
 ki la shah thombor ha ki trai shnong na Nagaland ha ka jaka ïakynad ne disputed area belt (DAB) kaba hap hapoh ka Sarupathar subdivision.){kind=link}