Shillong, K’lyngkot 24 : U Myntri ka Arts & Culture Bah Sanbor Shullai ha ka sngi Saitjain, ula leit jurip ia ki artylli ki project ba heh ba dang pyntrei ha South Shillong Constituency kynthup ka surok ba pyniasoh na Meghalaya Legislative Assembly, Laban sha Umshyrpi bad ka Rabindranath Tagore Cultural Complex.
Kane ka surok bala mang palat T.6 klur, ka dei kaba la wanrah ban pynduna ia ka jingkhapngiah ki surok ha nongbah Shillong katba ka Rabindranath Tagore Cultural Complex bala mang T.13.58 klur, kan don ia ka museum, amphitheater, guest house, restaurants, bad ka children’s park.
Haba kren sha ki lad pathai khubor, u Bah Sanbor ula ong “Nga la iakynduh dalade ia u Myntri ka kam iada ri ban ioh ia ka No Objection Certificate ban pyndonkam ia ka jaka na ka bynta ka surok ban pyniasoh na Assembly sha Umshyrpi”.
U bynrap ba ula wanrah ia ka Rabindranath Tagore Cultural Complex Project ha u snem 2021 bad ula rah iakren ruh ia ka jingtyrwa bad u Myntri ka Sorkar Pdeng ba khmih ia ka Arts & Culture, uba la ai jingmynjur ia ka song pisa ba T.13.58 klur.
U Bah Sanbor ula iakynduh ruh ia u Myntri ba mynta ka Tnad Arts & Culture, uba la kular ha u ba ia ka installment ba-ar jong ka project, yn sa pynlait noh shen.
