Kwah ki MDC ka NPP ban bate kam thymmai noh u CEM ha KHADC

Date:

Share post:

Shillong Nailar 07: Ki MDC ka National Peoples Party (NPP) ha Khasi Hills Autonomous District Council (KHADC) kila pynpaw ia ka jingkwah ba u Chief Executive Member (CEM) Bah Titosstarwell Chyne, un bate kam thymmai noh ia ki Executive Member (EM) jong ka NPP.

Haduh 6 ngut ki MDC jong ka NPP mynta ki bat ia ka shuki Dkhot jong ka Executive Committee ka United Democratic Alliance (UDA) ba lamkhmat da ka UDP kynthup ruh ia ka shuki Deputy Chief Executive Member (DyCEM).

“Ka Parliamentary Party (PP) jong ki MDC ka NPP kala dep shim rai ban phah bate kam thymmai noh ia u CEM” ong ki MDC (bym kwah pynpaw kyrteng) haba iakren bad ka khubor Shlem.

Kine ki MDC kila iathuh ba shen ka PP jong ka NPP kan sa phah da ka shithi sha u CEM ka KHADC ba un bate kam thymmai noh ia ki EM ka NPP.

Ki 6 ngut ki MDC ka NPP kiba don ha ka Executive Committee ki dei u Bah Gigur Myrthong kum u Dy CEM uba khmih ia ka Tnad Finance, Planning, Mines & Minerals, Bah Victor Rani uba khmih iaka Arts & Culture, Health & Sanitation bad Labour Clearance Certificate, Bah Teiborlang Pathaw ba khmih ia ka Council Building kynthup iaka Council Assets bad Enforce ment bad Bah Rangkynsai Kharbuki ba khmih iaka Trade bad Water Resources.

Arngut ki dei ki MDC Kynthei ba kynthup ia i Kong Macdalyn Sawkmie Mawlong ba khmih iaka tnad Forest,Marriage & Divorce bad Kong Grace Mary Kharpuri ka khmih iaka Market bad Information & Technology.

Kine ki MDC ki iathuh ba kat kum ka jingiapynbeit para MDC ha ka PP, la rai ba ia ka Council Building yn ai khmih noh ha u DyCEM Bah Gigur Myrthong, u Bah Victor Rani un khmih lang noh ia ka Tnad Pla Tyngka lem bad u Bah Teibor Pathaw un aiti ban khmih lang noh ia ka Tnad Trade.

La iathuh ba kane ka jingkyrpad ka NPP kadei hadien ka jingsakhi ba ka seng UDP kala bate kam thymmai iaki Executive Member ki jong ka ha u bnai bala dep.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...