Nongpoh, K’lyngkot 06 : Ka National People’s Party (NPP), Jirang Block, ha ka sngi Nyngkong, kala rai ban pynmih da u MLA Bah Sosthenes Sohtun, ba un aireng kum u kyrtong sha ka elekshon MDC ka KHADC, ka ban long la 21 tarik u Rymphang.
Kane ka rai kala mih ha ka jingialang kaba ar hapdeng ki Nongialam ka NPP Jirang Block, kaba la iashimbynta naduh ki nongialam ka NPYF, ki Longkmie, ki riew rangbah bad ki nongialam shnong ka Jirang Constituency.
Dang shen, u MDC ka NPP Bah Victor Rani ula mih noh na ka party bad leit pyniasoh sha ka Congress.
Haduh lai tylli ki kyrteng kila mih jong ki kyrtong kiba pan tiket na ka NPP ban iakhun ha kane ka elekshon MDC bad kine ki dei u Bah Albertus Lapang, Bah Kitbok Khongiong bad u Bah Balawan Syiemiong.
Haba kren sha ki lad pathai khubor, u President ka NPYF Jirang Block samla Siewdor Syngkli bad ka Nongaiktien Kong R.U Kharbani, kila pynpaw ia ka jingkmen ba ki nongialam kila iatylli bad iahun lang ban pynmih ia u Bah Sosthenes Sohtun kum u kyrtong ha ka elekshon MDC ban wan hadien ka jingmih ka kynrum kynram na ka jingpher seng u MDC Bah Victor Rani.
Kila pynpaw ba watla ka Block kala ioh pdiang ia ka jingtyrwa haduh lai tylli ki kyrteng kiba pan tiket hynrei namar ka jing lynkot ka por, ka party kala sngewbit ban aiti beit ha u MLA ba un mih iakhun.
Kila pynpaw ba kum ka party kan nang trei shitom da kawei ka jingmut kumno ban nang pynkhlain ia ka party hapoh ka Constituency bad ban wanrah ia ka jingjop kaba don burom ia u Bah Sosthenes Sohtun ha kane ka elekshon ban wan.
, Jirang Block, ha ka sngi Nyngkong, kala rai ban pynmih da u MLA Bah Sosthenes Sohtun, ba un aireng kum u kyrtong sha ka elekshon MDC ka KHADC, ka ban long la 21 tarik u Rymphang.){kind=link}