Shillong, Risaw 16 : Ka Bilateral Military Exercise SAMPRITI-XI hapdeng ki shipai ka India bad Bangladesh, kaba sdang ha ka 3 tarik Risaw ha Umroi, kala kut noh hynne ka sngi Nyngkong.
Ka thong jong kane ka jingiakilan met lang ka long ban wanrah ia ka jingiatreilang haba pynlong ia ki jingkhynra bad ban ia ithuh ithaw hapdeng jong ki haba thung ia ki sha ka Joint Task Force ha ki jingkhynra bala pynlong hapoh ka Chapter-VII jong ka UN Mandate (UNPKO).
Ki shipai Bangladesh kiba wan ban kilan met lang bad ki shipai India ki don haduh 170 ngut kiba dei jong ka 52 Infantry Brigafe bad ki shipai India ruh ki don 170 ngut kiba dei jong ka 15 battalion ka Rajput Regiment na ka 66 Mountain Brigade.
Kine ki 340 ngut ki shipai ka Bangladesh bad India kila iasam ia ki jingnang jingtip na kaba pynlong ia ki khynra bapher bapher kiba kila leit iashimbynta ha kylleng ki Ri ka pyrthei, ha ki snem bala leit noh.
Ia ka SAMPRITI ba nyngkong eh la pynlong ha Jorhat, India ha u snem 2009.
Pule lang ia kane: Wan rung khlieh ka AAP ha NE ban iakhun ia ka elekshon Mizoram
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
.){kind=link}