Shillong, Naiwieng 07: U Myntri Rangbah ka Jylla Conrad K Sangma hynne ka sngi nyngkong ula ong ba ka Sorkar Jylla wat hapdeng shibun ki jingtynjuh ha ka pule ka puthi ka la trei shitom da ka jingkut jingmut ban ai ka pule ka dangle kaba bha tam sha ki khun samla ka Jylla.
“Lada ngi lah ban wanrah ia ki Policy kiba dei bad lah ban treikam bha ha kaban kynjoh ia ka thong, ka lah ban shimpor hynrei ngi thikna ban gin lah ban pyni ia ka Meghalaya kum ka nuksa ba kumno ngin ai ia ka pule ka dangle sha ki khun samla ka Jylla” ong u Conrad haba kren ha ka jingiarakhe ia ka jubili ksiar jong ka St Thomas Higher Secondar School ha Mairang, Eastern West Khasi Hills.
Ula ong ba ka Meghalaya kala trei shitom mynta ban long kawei naki Jylla ba biang tam hapoh ka Ri bad ka jingpynleit jingmut jong ka, ka long ban buh ia ka pule ka dangle hakhmat eh. Ula ithuh ia ka pule ka dangle kum kawei na ki jingeh ba hakhmat eh hynrei da ka jingtrei shitom bad jingiatreilang, yn lah ban pynkylla ia kine kiei kiei baroh.
“Ka kam pule puthi kam dei ka kam kaba suk bad ki jingtynjuh ki dei kiba bun. Kan shimpor ban pynbeit hynrei ngin iai bteng ban pynleit jing,ut ha ka ban pynjanai ia kane ka kam ha ki jaka sor bad jaka nongkyndong. Ka dei ka kam kaba radbah hynrei ngi long kiba la pynkhreh kumno ba ngim jam shakhmat” ong u Myntri Rangbah.
Haba pynpaw ba ha u snem 2018, ka Jylla kala wan ha ka kyrdan ba ha trai duh ha ki kam pynroi bapher bapher, u Myntri Rangbah ula ong ba ki dak ki shin kila pyni ia ka jingkiew jong ka Jylla ha ki kam pynroi kaba la ithuh ruh ha ka ri bad ha ka pyrthei baroh kawei.
“Ka Jylla kala wan hatdong eh ha ka jingai injek ia ki khunlung ha u snem 2018 hynrei tang ha ki saw snem, ka Jylla kala poi ha ka kyrdan ba 27 bad mynta kala poi ha ka kyrdan kaba 2. Ngi la kut jingmut ban wanrah ia ka jingkylla bad kane kala paw ha ki jam bapher bapher mynta la ka dei ha ka koit ka khiah ka kam jngohkai ne ka kam sengkam lajong” ula ong.
Today we laid foundation for the construction of the gallery in the St. Thomas Football Ground sanctioned under CMSDF at a cost of ₹10 Lakhs.
Also felicitated meritorious students of the school. May they bring more laurels & contribute to the growth of their community. pic.twitter.com/bIqFxU5cxR
— Conrad Sangma (@SangmaConrad) November 7, 2022
Ha kane ka jingleit iuhkjat jong u ha Mairang, ula buh ruh ia u maw nongrim ban tei ia ka Gallery jong ka madan ialehkai phutbol ka skul St Thomas bad ula pynkup burom ia ki khynnah skul kiba la pass bha. Ula plie ruh ia ka Computer Laboratory jong ka Mairang Presbyterian Science College bala bei na ka Chief Minister’s Special Development Fund ba kot T. 6.77 Lakhs.
Nalor kane, ula iashimbynta ruh ha ka jingpynhap pyrda ia ka College Week jong ka Khadsawphra College ha Mairang.
U Myntri Rangbah ula plie ruh ia ka Extension Building bad ki bus kit samla pule jong ka Khadsawphra College. U Myntri Rangbah ula pynbna ruh ia ka song pisa ba T. 20 lak n aka CMSDF ban pyndep ia ka jingtei jong ka Extension Building bala dep ban mang.
Also inaugurated the extension building and buses of Khadsawphra College. Happy to announce that we will sanction ₹20 Lakhs from CMSDF for completion of the extension building pic.twitter.com/SCW2KnQXuZ
— Conrad Sangma (@SangmaConrad) November 7, 2022
