Aizawl, Rymphang 08 : Ki shipai Assam Rifles kila ioh ban kurup ia bun bah ki tiar shna bomb na Mizoram ha ka miet sngi Ba-ar, kaba lam sha ka jingiohkem ia arngut ki briew kynthup kawei ka kynthei.
Halor ki jingtip kiba paka bha, ki shipai kila bat ia kawei ka bolero ha ka jaka talasi kali ha surok Sangau-Pankhua kaba don ha Lawngtlai District bad na kane ka kali,kila ioh ban kem ia kine ki briew bad kurup ia kine ki tiar shna bomb.
Ha ba talasi ia ka kali, ki shipai kila ioh kurup haduh 150 kilo ki bomb, 1800 tylli ki detonator bad 3 Km u waiar.
Ia kine ki briew bad ia ki tiar ba kurup, la aiti noh sha ki Pulit ba kin leh ia kaba donkam.
