Aizawl, K’ lyngkot 24 :Ki pulit ka Mizoram hynne ka sngi ki la ong ba kila ong ba ki la ioh ban kurup haduh 50 tylli ki jingsong sabon ki ba don 625 gram u dron cocoaine u ba shongdor haduh kumba T.3.4 klur na Champhai district ka jylla.
Kane ka jingioh kurup ka la wan long hadien ba ka kynhun ki pulit ki la ioh ban bat noh ia kawei ka trok kaba kit ia ki tyndong lyer shet ba thylli.
Hadien ba la pynlong ia ka jingtalaki ia ka trok kaba la wan ha ki bynta jong ka Silchar napoh Ngopa kaba hapoh Champhai district, ki pulit ki la ioh ban kurup noh ia une u drok bad kem noh ia u nongniah.Ha kawei pat ka bynta, ki pulit ki la rejistar case halor kane ka jingioh kurup hapoh Vairengte Police Station.
Nalor kane, ki pulit ka Assam ruh ki la ioh ban kem noh ia arngut ki briew ha ryngkat u drok na ki bynta jong ka Harmati kaba hapoh Nagaon district ka Assam ha ka miet jong ka 22 tarik mynta u bnai.
Ha ka jingkhynra ka kynhun ki pulit ki la ioh ban kurup noh ia kumba 1.78 gram u drok ia uba la buhrieh ha ki jaka song napoh kawei ka iing ha Harmati.Ki briew kiba la shah kem noh halor kane ka jingioh kurup ki dei kiba la tip kyrteng kum u Mehra Khatun bad u Rafiqul Islam.
