Shillong, Jylliew 01 : Ki Pulit ka East Jaintia Hills, kila ioh ban kurup ia u heroin ba 177 gram na kawei ka pla bala bret ha kawei ka sanium jong ka rud surok National Highway-6 ha Umkiang.
Ki Pulit ha ka sngi Thohdieng, kila ioh pdiang ia ka phone call na ki briew ba pyntip ia ka jingdon jong kawei ka pla rong iong kaba la buh harud ka surok NH-6 ha Umkiang, ha kawei ka jaka sanium, ia kaba la suba ba thep ia ka mar beain.
Ki Pulit ka Umkiang PPP kila her wut wut sha katei ka jaka bad pynlong ia ka jingkhynra. Ha ka jingkhynra kila ioh kurup ia kane ka pla kaba thep ia 18 tylli ki synduk sabon ba don u droks uba khia 177 gram.
