Shillong, Risaw 25 : Ki Pulit ka East Khasi Hills, kila ioh ban kurup ia palat shi lak ml ka kyiad IMFL. 260 liter ka kyiad pyrsi bad 15,100 ml ka beer ha ki jingkhynra bala pynlong ha ki sngi lehniam puja ha Shillong.
Ia kane la pyntip da u Superintendent of Police (City) Bah Vivek Syiem uba la pyntip ba kane ka jingkhynra kyiad kala iaid ha kylleng ki jaka ba kynthup ia ka Paltan Bazar, Jeep Stand, Mawblei, Khlieh Iew, Basa Doh, Mawlonghat, Urkaliar, Iew Laitumkhrah, Mawbah, Jhalupara bad Iew Polo.
U pyntip ba ia kane ka jingkhynra la pynlong da ka jingthmu ban tehlakam ia kino kino ki jingjia ki bym sngewtynnad ha ka jingleh niam puja.
