Nongpoh, Naitung 19 : Ki Pulit ka Ri-Bhoi District hynnin ka miet sngi Balang, kila ioh ban kurup haduh 60 tola ka ksiar ba shongdor haduh T. 35 lak ha ka jingtalasi kali ha Kyrdeng Police Check Point bad ioh kem ia 2 ngut ki briew kiba suba jur ba dei ki Nongkhaii ia kane ka ksiar.
Kane ka jingtalasi kali kala wan jia hadien ka jingioh jingtip ba thikna ba kan don kawei ka kali ba kit ksiar kaba rung shapoh ka Jylla.
Ki Pulit kila pynapshrip ia kane ka kali ha Kyrdeng bad kila ioh bat ia ka kali LMV BR/No AS01-DT-7519 bala niah da uwei u briew ba kyrteng u Vinod Kumar ba na Jaipur bad uwei pat u briew ba kyrteng u Lalshyam Sharma ba na Rajasthan.
Ki Pulit ha ka jingtalasi ia ka kali, kila ioh ban kurup haduh 6 tylli ki biskit ksiar ba khia haduh 10 tola nalor artylli ki mobile phone bad ia kane ka kali.
Ki Pulit ba kane ka ksiar ka dei kaba shongdor haduh T, 35 lak ka pisa India.
Na ka liang ki pulit ki dang pynlong ia ka jingtohkit kaba kham bniah halor kane ka kam shalan ksiar lyngba u surok bah National Highway.
Also read: Manipur: Shah thang ka kali u IG, mynsaw 19 ngut ki Kynthei ha ka jingpynibor bad ki RAF
