Shillong, Naiwieng 19: Ki pulit ka jylla Assam hynne ka sngi, kila iohbat ia kawei ka trok kaba la kit be-aiñ ia u kwai uba la suba u dei uba wanrah na ri Burma uba la don 10,200 Kg.
Kane ka trok kaba la shah bat kadei kaba don ia u nombar AS-26 C -9626 bad kane ka trok kala wan na Mizoram ban leit sha Cachar hynrei haba ki pulit jongka Lailapur PS kila bat ia kane ka trok bad pynlong iaka jingkhynra kila lap 170 byrni u kwai uba la suba uba la wanrah na ri Burma, uba don 10,200 Kg.
Kumta ki pulit kila kurup noh ia une u kwai bad iaka kali bad kila kem ruh ia u nongniah jong ka trok uba la tip kyrteng kum u Md Bilal Ahmed, 50 snem ka rta, uba na Karimganj bad la pynngat ia u katkum ki kyndon aiñ.
