Shillong, Jylliew 23:Ki shipai BSF ba pahara ha khappud ka East bad West Jaintia Hills, kila ioh ban kurup ia palat 60 tylli ki masi kiba thmu ban khaii tuh sha Bangladesh.
Ki BSF kila ioh ban kurup ia kine ki masi na kawei ka jaka khlaw ba marjan ka khappud Bangladesh ia kaba ka suba jur ba ki nongkhaii kila ialam lynti na kane ka khlaw ban lait na ka kti ka ain.
Ha kajuh ka por, ki shipai BSF kila ioh ban kurup ia shi trok ka masi najan ka thain Umkiang hynrei ha kane ka jingjia, u nongniah bad u nongbud jong kane ka trok, kila ioh phet.
Tang ha kine ki hynriew bnai duna bala leit noh, ki shipai BSF kila ioh ban kurup ia palat 2000 tylli ki masi na ki thain khappud jong ka Jylla.
