Shillong, Kyllalyngkot 18: Ki shipai BSF haka sngi ba-ar, kila ioh kurup ia ki tiar bad ki jingtah pyn bhabriew kiba shongdor T.47 lak kiba thmu ban khaii be-aiñ sha Bangladesh lyngba ka thaiñ khappud kaba don ha East Khasi Hills District.
Ia kitei ki mar la ioh ban kurup ha ka por ba ki nongkhaii be-aiñ ki dang pyrshang ban khaii sha ri Bangladesh lyngba ka shnong Barmanbari, East Khasi hills bad haba ki shipai BSF kila ioh ia katei ka jingtip, kila leit ban pynsangeh hynrei ki briew kiba donkti ha ka kam khaii tuh kila phet mardor na katei ka jaka bad kila ieh ia kitei ki mar ki mata ha katei ka jaka.
Ki shipai BSF kila aiti noh ia kitei ki mar kiba la ioh kurup sha ka tnad Custom ba kan pynlong iaka jingtohkit bad ban leh ia kaba donkam.
La iathuh ruh ba ka jur bha ka jingdawa iaki tiar ki tar bad ki jingtah pynbhabriew ha ri Bangladesh bad kane kala ialam sha ka jingkhaii tuh ia kine ki tiar sha ri Bangladesh.
