Shillong, Kyllalyngkot 29: Ki shipai BSF ha ka sngi saitjain kila ioh ban kurup ia ki jain sari kiba shongdor T.22 Lak na ka thain khappud kaba hap ha East Khasi Hills, kiba thmu ban khaii beain sha ri Bangladesh.
Ki BSF kila ioh bat ia ka kali kaba kit ia kitei ki sari na ka shnong Pyrdiwah.
Ha kaba nyngkong ki BSF kila pynsangeh ia katei ka kali hynrei u nongniah ula phet bak na katei ka jaka bad rung shapoh khlaw bad ha ka jingtalasi iaka kali la shem ia ki jain sari kiba thmu ban khaii sha Bangladesh.
Ki shipai BSF kila aiti noh ia kitei ki jain kiba la ioh kurup bad ka kali sha ka tnad Custom Pynursla ba kin leh ia kaba donkam.
Tang ha u snem 2022 ki BSF kila ioh kurup ia ki jain kiba shongdor T.1.2 klur na ka thain khappud.
