Shillong Jymmang 15: Ki shipai BSF jong ka 193 Bn kiba pahara ha ki khappud jong ka East Khasi Hills, ha ka sngi u Blei kila ioh kurup ia ki jain phong bad ki Sari kiba shongdor T.20 Lak.
Ki BSF kila pyntip ba katei ka jingioh kurup ka jongki ia kitei ki jain kadei na ka jingioh ia ki jingtip kiba paka ba kin don ki briew kiba thmu ban rungshapoh ri Bangladesh ban rah ia kitei ki jain.
Ki BSF kila beh thong ia kitei ki briew hynrei namar ka jingshim kabu ia ka jingdum bad ka jingrben ka khlaw kila iehnoh shadien ia kitei ki jain kiba khia bad haba ki BSF kila khynra bad talasi ia katei ka jaka kila lap ia kitei ki jain kiba thmu ban khaii be-ain sha Bangladesh.
Ia kitei ki jain kiba la ioh kurup la aiti noh sha ka tnad Custom kaba don ha Dangar.
