Shillong Rymphang 24: Ki shipai BSF ryngkat ka jingiatreilang bad ki pulit ka Meghalaya ha ka sngi Palei kila pynlong ia ka jingkhynra ha thaiñ khappud jong ka South Garo Hills bad kila ioh kurup ia ka shini bad u kwai uba shongdor T.20 Lak uba la thmu ban khaïï be-aiñ sha ri Bangladesh.
Ki BSF kila pyntip ba kila pynlong ia katei ka jingkhynra kadei hadien ba kila ioh ia ki jingtip kiba paka bad kumta ha ka jingkhynra kila ioh kurup ia ka shini bad ia u kwai tyrkhong uba la buhrieh ha kawei ka iing kynjah kaba don ha Rongra, South Garo Hills.
Ki shipai BSF kila leit ban aiti noh ia katei ka shini bad u kwai tyrkhong ha ka Rongra Police Station ban leh ia kaba donkam.
