Shillong, Lber 09 : Ki shipai BSF kila ioh ban kem ia kawei ka kali bad kurup ia bun bah ka shini kaba thmu ban khaii tuh sha Bangladesh na khappud ka South Garo Hills.
Ki shipai kila kem ruh ia uwei u briew uba dei na nong India uba niah ia kane ka kali kaba dei ka Eco Van. Une u briew u khlem lah satia ban pyni ia ki kot ki sla ban pynshisha ba ka shini ka dei ban pynpoi sha kiwei kiwei ki jaka ha Jylla.
Ia kane ka shini, ka kali bad ia u briew la aiti noh sha ki Pulit ka Baghmara Police Station ba kin leh ia kaba donkam.
