Shillong, Risaw 22: Ki shipai jongka 4 Bn BSF Meghalaya kila ioh ban kurup 93 tylli ki muid kiba la thmu ban khaïï be-aiñ sha ri Bangladesh lyngba ka thain khappud kaba don ha West Jaintia Hills.
Ki BSF kila pyntip ba kila pynlong ia ka jingkhynra halor ki jingtip ba ki ioh, kaba lam sha ka jingpynpulom noh iaka jingthmu jong ki briew ban khaïï be-aiñ ia ki muid sha Bangladesh.
Ha katei ka jingkhynra ki BSF kila ioh ban kurup ia ki 93 tylli ki muid kiba la buhrieh hapoh ka khlaw kaba don hajan khappud bad ia kitei ki muid la aiti noh sha ka tnad pulit ba kan leh ia kaba donkam.
