Shillong, Naitung 16: Ki shipai iada khappud Border Security Force (BSF) haka 14 tarik mynta u bnai kila kurup ia 7 tylli ki lieng kiba thmu ban shalan haduh 29,000 kilo u shini sha Bangladesh.
Ka kyrwoh ka kdew ba hadien bala ioh jingtip, naka liang ki shipai BSF jong ka BOP Jaliakhola West Jaintia Hills kila pynlong ka jingtalasi ha ka wah Harai bad la shem ba ki don haduh 7 tylli ki lieng kiba kit ahduh 29,000 kilo u shini ba shongdor T.11 lak.
La iathuh ki briew kiba thmu ban shalan ia u shini kila kynthih sha ka wah Harai bad kila jngi sha shiliang ka thain Bangladesh bad naka liang ki shipai BSF kila aiti noh ia ki tiar ba ioh kurup sha ka Ophis Custom Dawki naka bynta ban leh iaka ba donkam.
