Shillong, Kyllalyngkot 30: Ki shipai BSF jong ka 04 Bn kiba pahara haka thain khappud jong ka East Khasi Hills, hynne ka sngi kila ioh ban kurup 25 tylli ki masi kiba thmu ban khaïï be-aiñ sha ri Bangladesh.
Ki shipai BSF kiba pahara ha ka thaiñ Nongskhen, East Khasi Hills haba kila sakhi ba kala don ka jingialam ia ki masi ha khappud bad ka ri Bangladesh lyngba kawei ka khlaw daki nongkhaïï masi, ki BSF kila leit ban tuklar mardor bad kitei ki nongkhaïï masi kila phet krad bad iehnoh ia ki masi ha katei ka jaka.
Ki BSF kila iathuh ba man la ka por ki nongkhaïï masi ki ju buhrieh ia ki masi ha khlaw bad haba ki iohlad ki ju pyrshang ban pynpoi iaki masi sha ri Bangladesh na ki jaka ki bym shim la ker ia u pud u sam.
Tang ha u snem 2022 ki BSF kila ioh ban kurup haduh 3481 ki masi na ka thaiñ khappud bad haduh mynta ki BSF ki dang pynjur iaka jingpahar bad jingpeitngor ban tem ia kino kino ki kam khaïï be-aiñ.
