spot_img

Kurup ki BSF haduh 980 bilor ka dawai Phensedyl ba thmu shalan tuh na EJH

Date:

Share post:

Shillong, Risaw 17: Ki shipai Border Security Force (BSF) ha ka 16 tarik mynta u bnai, kila kurup haduh 980 bilor ki dawai jyrhoh Phensedyl kiba la thmu ban shalan tuh sha Bangladesh na khappud ka East Jaintia Hills District.

Ka kyrwoh ka iathuh ba ki shipai BSF ka 172 Battalion ha ka jingpahara, ki la ïohi ïa ka jingïaid lynti jong ki breiw ba kit jingkit ha ki thain khappud, kaba la pyn ishankhmat bha ia ka rukom iaid jong ki.

La ong ba kine ki shipai kila pyrshang ban bat ia kine ki briew da kaba phah ieng hajuh ban wan talasi hynrei kine ki briew mar kumta hi, kila phet krad da kaba shim kabu ia ka jingrben ki khlaw ki btap.

Ki BSF kila pyrshang ban kthong ia kine ki briew hynrei kim shym la lapdien satia. Ki BSF kila pynlong ia ka jingkhynra ha ka thain bad kila ioh kurup ia kine ki dawai Phensedyl, kiba la ieh shadien da kine ki briew.

Ïa kine ki bilor Phensedyl ba la ïoh kurup la aitinoh sha ka ophis Custom ha Badarpur ban leh ïa kaba donkam.

Share post:

spot_img
spot_img

Popular

More like this
Related

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...

Kamai palat T 1 klur ki nongrep sohmarit ka Meghalaya | Sdang paw ha ki kam khaii Jingshoh na Jylla

Shillong, Naitung 26 : Haduh 10 tylli ki Integrated...

Pynim biang ka HSPDP ia jingdawa ban ithuh ia ka ktien Khasi kum ka Ktien Sorkar

Shillong, Naitung 26: Ka Hills State People’s Democratic Party...