Shillong, Nohprah 30: Ki shipai BSF Meghalaya kiba pahara ha ka thain khappud kila ioh ban pynpulom iaka jingthmu ban khaïï be-aiñ ia ki muid sha ka ri Bangladesh hynne ka sngi Saitjaiñ.
Ki BSF kiba pahara ha ka thaiñ khappud jong ka West Jaintia & East Khasi Hills Districts hadien ba kila ioh ia ki jingtip kiba biang kila pynlong ia ka jingkhynra bad kila ioh kurup 47 tylli ki muid kiba la buhrieh hapoh ka khlaw ha ka thain khappud ban khaïï sha Bangladesh.
Ia kitei ki muid kiba la ioh kurup da ki BSF la aiti noh sha ki thanad pulit na ka bynta ban leh ia kaba donkam.
