Shillong, K’lyngkot 30 : Ki Pulit ka Anti Narcotics Task Force (ANTF) ka East Jaintia Hills, kila ioh kurup ia u heroin ba shongdor haduh T.20 lak bad kem ia 4 ngut ki briew ba kit ia une u droks.
Ia une u jingdih buaid la ioh kurup na kawei ka kali kit umphniang (oil tanker) AS11-DC-1200, kaba la ioh bat ha ka jingtalasi kali ha Umkiang Police Patrol Post.
U Superintendent of Police Vikash Kumar ula iathuh “Halor ki jingtip ba thikna bala ioh, ka ANTF kala pynlong ia ka jingtalasi kali ha Umkiang Police Patrol Post bad ioh bat ia kane ka kali kit umphniang bad iohkem ia kine ki 4 ngut ki briew.
Kine ki 4 ngut ki briew ba shah kem ki kyrteng u Shymal Boro, Matab Uddin, Ataur Rohman bad Biren Singha, kiba dei na Assam. “La suba jur ba kine ki briew ki dei ki dkhot jong ka kynhun leh kam bymman kiba khaii droks na kawei ka Jylla sha kawei pat” ula iathuh.
Ki Pulit kila ioh kurup ia u droks heroin ba khia 45.5 gram bala thep ha ki 4 tylli ki synduk sabon bad 4 tylli ki mobile phone.
Ka ANTF kala register case ia kane ka jingjia hapoh Lumshnong Police Station hapoh ka kyndon NDPS bad ka jingtohkit mynta kala iaid shakhmat ban lap ia ka thymmei bad ka jaka pynpoi ia une u jingdih buaid.
 ka East Jaintia Hills, kila ioh kurup ia u heroin ba shongdor haduh T.20 lak bad kem ia 4 ngut ki briew ba kit ia une u droks.){kind=link}