Tura, Nohprah 05 : Ki Pulit ka Anti Narcotics Task Force (ANTF) ka West Garo Hills, hynnin ka sngi U Blei kila ioh ban kurup ia bun bah u droks bad ka tiar siat nalor ki kuli ha ka jingkhynra droks ha ka thain Garobadha.
Ka kynhun kala ioh ruh ban kem ia lai ngut ki briew kiba don ha kane ka kali, ia kiba la suba jur ba kidei ki nongkhaii droks.
“Haba shimkhia ia ki jingioh khubor, ka ANTF kala pynlong ia ka jingkhynra hynnin ha Garobadha bad ioh kurup ia bun bah u droks bad ka tiar siat” ong u Vivekanand Singh Rathore,Superintendent of Police ka West Garo Hills District.
Ki tiar bala ioh kurup ki kynthup ia 98 song u Nitcon 10 Tablet, haduh 848 tylli u Tramadol Hydrochloride bad Decyclomine Hydrochloride Capsules.
Nalor kine la ioh kurup ia lai tylli ki mobile phone, kawei ka air pistol rong rong, uwwei ukuli shotgun bad uwei u kuli 7.62 mm.
Kane ka kali kaba kit ia kine ki mar beain ka dei ka Maruti Wagon R rong rupa kaba don u nombor AS-01-AK-6596. Ia kane ka kali la kurup lang noh da ki Pulit.
Ki briew kiba shah kem ki dei kiba tip kyrteng u Ranggam Marak@Jona ba na Ampati, SWGH, Sakwan Ch. Sangma ban a Wakantagre, Mukdangra, SWGH bad u Conrad K Marak ban a Matchakolgre,Tura, WGH.
Ka ANTF kala register case ia kine ki briew hapoh ki kyndon jong ka NDPS Act bad ka Arms Act. Ka jingtohkit mynta kala iaid shakhmat.
