Shillong, Rymphang 24 : Ka Anti Narcotics Task Force (ANTF), Meghalaya, kala ioh kurup ia u droks ba shongdor palat T. 55 lak ha ka jingkhynra ha Lower Rynjah, Shillong ha ka sngi Nyngkong.
Ki pulit ki suba ba une u droks u lah ban dei jong ka kynhun nongkhaii droks na kawei ka Jylla sha kawei pat.
Halor ki khubor syntiat ba thikna, ka kynhun ANTF kala pynlong ia ka jingkhynra ha ka iingsah jong uwei u suba nongkhaii droks Rahul Chettri hapoh ka kyndon ka NDPS Act. Ha ka jingkhynra, ka kynhun kala ioh kurup haduh 2060 tylli ki dawai kuli Nitrazepam, uba shongdor haduh T.8.24 lak ha ki iew beain.
Nalor une, lah ioh kurup ruh haduh 23 tylli ki synduk sabon ba thep droks uba khia haduh 237 gram. Une u droks u shongdor haduh T.47.4 lak. Ka kynhun kala ioh kurup ruh ia ka song pisa ba T.27,300 na katei ka iing.
Hynrei, u Rahul Chettri ula ioh ban phet krad na kane ka jaka da ka kali Maruti Ertiga (ML10-B-5347). Ka jingthwet ia une u briew kala iaid shakhmat.
Arngut ki briew kila shah kem haba iadei bad kane ka jingjia.
Ka kynhun tohkit ka ngeit skhem ba u Rahul u lah ban don bynta bad ka kynhun ki nongkhaii drok bad ka jingtohkit mynta kala iaid shakhmat ban lapdien ia une u briew bad ia ki kam ba u leh.
, Meghalaya, kala ioh kurup ia u droks ba shongdor palat T. 55 lak ha ka jingkhynra ha Lower Rynjah, Shillong ha ka sngi Nyngkong.){kind=link}