spot_img

Kup painsngait ka Stella Khongsni kum ka Miss Meghalaya; Angelina Jackson ia ka Miss Teen

Date:

Share post:

Shillong, Nailur 09 : Ka samla Stella Khongsni kala ioh kup ia ka painsngait kum ka Miss Meghalaya bad ka samla Angelina Jackson kala ioh rah ia ka Miss Teen Meghalaya 2023, ka jingiakop kaba la kut noh ha ka sngi Saitjain ha U Soso Tham Auditorium.

Kup painsngait ka Stella Khongsni kum ka Miss Meghalaya; Angelina Jackson ia ka Miss Teen

Haduh 19 ngut ki samla na kylleng ki bynta jong ka Jylla, kila wan iakhun ia kane ka jingiakop thei bhabriew.

Ka samla Stella ym tang ba ka bhabriew hynrei ruh ka don ia ka jabieng kaba stad. Kane ka samla ka dang pule ia ka Bachelor of Science (B.Sc) ha ka Mathematics ha St. Mary’s College, Shillong bad nalor ka nam Miss Meghalaya 2023, kala ioh rah ruh sha iing ia ka nam Miss Personality bad Miss Catwalk.

Kumjuh ruh ka Samla Angelina Jackson ba dang 18 snem ka rta, kala ioh kup ia ka pain sngain Miss Teen Meghalaya 2023. Kane ka samla ka dang pule ha St Mary’s Higher Secondary School, Shillong.

Ka samla Stella kala ioh rah ruh ia ka song khusnam ba T. 1 lak katba ka Angelina kala ioh rah sha iing ia ka cheque kaba T. 25,000.

Kiwei pat ki samla kiba la ioh ia ki khusnam subtitle ki kynthup ia ka Genelia Dkhar kaba ioh ia ka Miss Catwalk, Palei M Chyne kum ka Miss Talented, Gracie Nandy kum ka Miss Personality, Denice Kharkongor kum ka Miss Photogenic.

Ha ka thup Miss Meghalaya, ia ki nam subtitle la ioh rah da ka samla Stella Khongsngi kum ka Miss Catwalk bad Miss Personality, Ibadonbok Shisha Marwei kumka Miss Talented, Dipa Ghime kum ka Miss Warrior Princess, Lavakeni Surong kum ka Miss Photogenic, Sanijaijai Khyriem kum ka Miss Fusion Queen, Rida Maia kumka Eco Queen bad ka Remika Dkhar kumka Miss Congeniality.

Ki Judge kiba bishar ia kane ka jingiakop ki kynthup ia ka Ilasara Kharkongor, Charlee Lalthenmawia, Kethileno Kense Vehienuo bad Kong S Marwein bad James Owen Farreira.

Ki nongjop ia ka Miss Meghalaya 2023 bad Miss Teen 2023 kim mihkhmat ia ka Jylla sha ki lympung thei bhabriew ki ban long ha ka thain Shatei Lam Mihngi bad ka Ri.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...