Shillong, Nailar 01 : U Myntri ka tnad Pule Puthi Rakkam A Sangma ha ka sngi Ba-ar, ula kular ban sa iakren bad ka National Institute of Open Schooling (NIOS) halor ka jingslem ban pynbna ia ka result jong ka Diploma in Elementary Education (D.EL.ED) mynta la 5 snem.
“Ngin sa iakren bad ki bor pyniaid ka NIOS bad ngin wad ia kaei kaba jia (ia ka result jong ka D.El Ed)” ong u Rakkam haba iakren bad ki nongthoh khubor hadien ka jingialang bad ka kynhun ki 29 ngut ki samla pule na Sibsingh Centre, West Khasi Hills District.
U Myntri ula ong ruh ba kane ka kam ka long ka bym iahap satia bad u suba ba ki don bun ki centre hapoh ka Jylla kiba mad ia kajuh ka jingeh. Kat kum ka jingong jong u, kane ka kam kala shu sahteng mynta la 4-5 snem.
