Shillong, Nailar 01: Ka Voice of the People Party (VPP) hynne ka sngi Ba-ar, kala dawa naka sorkar jylla ba kan shim ia ka sienjam ba mardor ha ka ban pyllait noh iaka pisa ba iadei bad ka jingpyntreikam iaka skhim Mahatma Gandhi National Rural Employment Guarantee Act (MGNREGA) ha Meghalaya.
Lyngba ka kyrwoh, u nongaitkien ka VPP u Dr. Batskhem Myrboh ula ong ba ka sorkar pdeng haka 26 tarik Jylliew 2023 kala pynmih iaka hukum haba iadei bad ka jingpyllait iaka pisa ka wat ba nyngkong (1st installment) naka bynta ban thied ki tiar ki tar jong u snem 2023-2024 sha ka Meghalaya kala long T.301.94 klur.
Ka jingpyllait kloi ia ka pisa ka long kaba kongsan bha n aka bynta ki paid nongkyndong kiba shaniah ha kane ka skhim ba kin ioh kamai jakpoh.
