Shillong, K’lyngkot 19 : Ka kynhun ki Nongialam ka BJP ba ialam da u Myntri Sorkar Bah Sanbor Shullai, ha ka sngi Nyngkong, kala iakynduh ia u Myntri ka Ministry of Road Transport & Highway (MoRTH) Nitin Gadkari bad kyrpad ba un tuklar lem halor ka jingslem ban pyntrei ia ka surok 4-lane na Umshyrpi sha Sadew.
Ka kynhun, kaba kynthup ruh ia u President ka BJP Meghalaya Rikman Momin bad kiwei kiwei ki nongialam, kila kren ruh halor ki jingeh na ki nala hapoh ka thain Shillong Contonment bad ka jingdonkam kyrkieh ia ka flyover na Barik sha Jhalupara Taxi Stand, khnang ban pynduna ia ka jingdheng kali hapoh ka thain.
“U Myntri ka Sorkar Pdeng ula kular ia ngi ba un sa iakren ia kane ka kam bad ka Ministry of Defence ba kan ai jaka sha ka NHIDCL na ka bynta ka project flyover” ong u Bah Sanbor haba pynpaw ia ka jingsngew nguh ia u Gadkari.
Ula iathuh ruh “U Myntri ka Sorkar Pdeng ula ai jingmut ruh ban thaw ia ka Infrstructure Development Committee ban lah pyndep kloi ia ki project”.
 Nitin Gadkari bad kyrpad ba un tuklar lem halor ka jingslem ban pyntrei ia ka surok 4-lane na Umshyrpi sha Sadew.){kind=link}