Shillong, Naiwieng 26 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ha ka sngi Ba-ar, ula kular ba ka Sorkar kan iada ia ka bha ka miat jong ki nongshong dukan madan.
Haba iakren bad ki nongthoh khubor, u Bah Sniawbha ula ong “Ki nongshong dukan madan ki dei ki briew jong ngi hi bad nga kyntu ia ki ba kim dei ban khuslai, ngin sa pyrkhat, ki dei ki briew jong ngi hi, ngin sa iakren bad ngin pyrshang ban iada ia ka bha ka miat jong ki”.
Kane kala mih hadien ba ki nongshong dukan madan kila leit ban tur bad iakhih hakhmat ka Ophis jong ka Shillong Municipal Board (SMB) ban pyrshah ia ka jingthmu pynkynriah ia ki na thain Khyndai Lad bad Motphran.
U Bah Sniawbha ula pyntip ba ka Sorkar kala dep ithuh ia ki jaka ban pynkynriah ia ki nongshong dukan madan. “Ka kam ban ithuh ia ki jaka ka dang iaid mynta” ong u Myntri haba pyntip ba ka jingpynkynriah kan iaid da ka pali pali.
Haba kylli lano ba un khot ia ka jingialang bad ka Town Vending Committee, u Bah Sniawbha ula ong “Ngin sa iapeit namar mynta ka aiom lehkmen kala wan. Balei ngin leh kyrkieh?”.
“ia mynta, ngin ym pynjlan (jingpynkynriah) hynrei kin dang ia don hi ha ki jaka ba ju don bad ynda la dep pynbeit lut nadong hadong bad ki nongshong dukan madan, ngin sa shim ia ka ai” ula ong.
 ban pyrshah ia ka jingthmu pynkynriah ia ki na thain Khyndai Lad bad Motphran.){kind=link}