Kular u CM ia ka jingshngain ki Nongialam ka HNLC ba wan sha ka miej iakren iasuk

Date:

Share post:

Shillong, Nailar 04: U Myntri Rangbah ka Jylla hynne ka sngi palei, ula kular ia ka jingshngain jong ki Nongialam ka seng Hynniewtrep National Liberation Council (HNLC) kiba wan ban iashimbynta ha ka jingialang iakren iasuk bad ka Sorkar.

“Ai ba ngan kular sha ki (HNLC) bad ia baroh ba ka dei ka kamram jong ka Sorkar ban pynthikna ia ka jingshngain jong baroh kiba wan sha ka jingiakren” ong u Conrad haba iakren bad ki nongthoh khubor.

U Myntri Rangbah ula jubab ia kane halor ka jingkyrpad jong ka HNLC ia ka Sorkar ban pynthikna ba kam dei ban iapein la ka long kumno kumno ruh haba iadei bad ka jingshngain bad jingiada ia ki Nongialam ka Seng lada jia ryngkhat baka jingiakren iasuk ka pulom.

Ka HNLC hynnin ka sngi balang, kala aibor ia u Vice Chairman bad arngut ki Secretary ba kin iashimbynta ha ka jingialang iakren iasuk hapdeng ka Sorkar India, ka Sorkar Jylla bad ka seng.

U Myntri Rangbah ka Jylla u pyntip ba ka jingialang iakren iasuk kan sa sdang noh shen.

“Ka jingpynkhreh kala iaid mynta la bun bnai bad ngam lah ban iathuh lut ia kiei kiei baroh hynrei ngi kyrmen ba ka jingiakren kan sdang noh shen bad kaba kongsan ka long ba ngi kwah ban pynlong ia ka jingiakren kaba seisoh bad ngin leh katba lah ban poi sha ka thong” ula ong.

U Conrad ula kular ruh da kaba ong “Nga kular ia baroh ba baroh ki jingpynsngew jong ki dkhot ka HNLC, kin dei ki mat ban iakren kynthup ruh ia ka jingshngain jong ki Nongialam bad ngin pynthikna ruh ha kaban shim ia ka sienjam ban pynthikna ia ka jingshngain jong ki”.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...