Shillong, Nailar 17 : U Myntri Rangbah ka Jylla Conrad K Sangma ha ka sngi Palei ula kular ba ka Sorkar kan sa shimkhia ha kaban leh eiei halor ki jingeh jong ki nongtrei muster roll bad ki mid-day meal haba pyntip ba ki don ki kam kiba ka Sorkar kala dep pynbeit bad ki don ruh ki ban dang shimpor hynrei ia kine baroh yn sa ialeh ban pynbeit noh.
Haba iashimbynta ha ka 8th General Meeting jong ka All Jaintia Muster Roll Workers and Labour Union ha ryngkat ka jing iatreikam bad ka Union of Cook cum Helpers PM Poshan, Meghalaya ha Madan Kawang, Ummulong, u Myntri Rangbah ula kren ia ki jingeh kiba iakynduh da ki nongtrei muster roll namar ka jingbym ioh thikna ia ka jingsiew.
This was not an easy task as there are many Muster Roll employees in the State & this was an issue for many years but with constant follow ups & with coordination, we are slowly resolving it by streamlining the system and today, majority of our Muster Roll Workers are getting… pic.twitter.com/oqSEZb7iwp
— Conrad K Sangma (@SangmaConrad) August 17, 2023
Ula kdew ba hadien ka jingshimti ia ka shuki ha u 2018, ka Sorkar kala ioh pateng ia kiba bun ki jingeh namar ka jingslem ban siew ia ka jingsiew. Ula kdew ia kiba bun ki daw halor kane ka jingeh bad pyntip ba ka Sorkar kala shimkhia mynta ba kan leh eiei noh.
Ban pynsted noh ia ka jingsiew, ula pyntip ba la bthah ia ka Tnad Finance ba kan siew lypa haduh 3 bnai ka jingsiew sha ka Tnad, khnang ban pynthikna b aka jingsiew tulop kan long kaba thikna.
Haba kular ia ki nongtrei muster roll bad ki nongshet ja mid day meal, u Myntri Rangbah ula pyntip ia ka jingkut jingmut ban leh eiei noh halor ki jingeh kiba iadei bad ka jingsiew, ka shuti ia kiba armet, bad kiwei kiwei ki jingdonkam. Ula pynpaw baka Sorkar lehse kan nym lah ban pynurlong ia baroh ki mat jingdawa bala kdew ha ki dorkhas hynrei ula kular ba ka Sorkar kan ym shongthait ha kaban khmih bad shim ia ki sienjam ba donkam halor kine kiei kiei baroh.
Nalor kane, u Myntri Rangbah ula pynkup burom ruh ia ki samla kiba pass bha, I khun jong u nongtrei muster roll iba la ioh ia ka kyrdan shakhmat ha ka eksam SSLC mynta u snem.
Ki nongtrei muster roll ha kane ka sngi kila pynkup burom ia u Myntri Rangbah ka Jylla halor ka jingpynkiew ia ka tulop bad ka honorarium.
Pule lang ia kane: Kyntait ki Pulit ba shah khlong khmat ka metiap na Boucher Road
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
