Shillong, Rymphang 05 : U Myntri Rangbah ka Jylla Conrad K Sangma ula kular ban thungkam Sorkar ia u samla Pynshngain Kurbah, uba ioh khur ia ka takma rnong na ka jingiakop kinglieng Canoe jong ka 38th National Games, ha Uttarakhand.
U Myntri Rangbah hynne ka sngi Balang, ula iakren bad u samla Pynshngain Kurbah bad ai khublei ia u halor ka jingjop ia ka takma rnong na kane ka lympung ialehkai kaba hehduh jong ka Ri India.
“Kum shibynta na ka jingpyntreikam ia ka Sports Policy bad ka jingai jingithuh ia ka jingjop u samla Pynshngain, ka Sorkar kan ai kam Sorkar ia u” ong u MYntri Rangbah.
U Myntri Rangbah ula ai khublei ruh ia u Coach Ian Vincent bad ka Team Manager Sheela Vincent.
