Shillong, Lber 27 : Ka Executive Committee ka VPP ha KHADC, ha ka sngi Palei kala kular ban pynbor ia ka Sorkar Jylla ba kan wanrah ia ka jingpynkylla ba donkam ha ka Meghalaya Minor Minerals Concession Rules (MMMCR), 2016 ban weng ia ki jingeh bala mad da ki nongtih par barit baria kiba pyndonkam ia ka jingtih par ka juk rim ha Jylla.
“Nga kular ia ka Iing ba ka EC kan pyrshang ban wad ia ki lad ki lynti khamtam ba kumno ngin pynbor ia ka Sorkar Jylla ba kan wanrah ia ki jingpynkylla ba donkam ban weng noh ia ki jingeh ki nongtih par barit baria bad ruh ban pynthikna ba ki kam tih par kin ym ktah ia ka mariang” ong u Chief Executive Member (CEM) ka KHADC Shemborlang Rynjah haba jubab ia ka motionbala wanrah da u Nongialam ka Liang Pyrshah Bah Titosstarwell Chyne.
Ula pyntip ba ka Executive Committee ka sa aiti ia ki jingai jingmut halor kane ka kam.
“Ka Council kala ai jingmut teng halor ka jingdonkam ban pynrung ia ka kyntien “Traditional mining” ha ka MMMCR, 2016 kaba nga sngew ka long kongsan bha” ong u Bah Rynjah haba bynrap “Nga sngew ba kan dang shyrkhei ka jingpynjulor ia ka mariang lyngba ka jingpyndonkam ia ki kor kiba khlain hynrei ka jingtih par ka juk rim ka dei ka kam ym tang ba ka pynsuki ia ka jingjot ka mriang, ka plie lad ruh ia ka lad iohkam ia ki briew”.
Kat kum ka jingong jong u, kat kum ka Rule, ka bynta jong ka District Council ka long tang ban ai ia ka No Objection Certificate.
, 2016 ban weng ia ki jingeh bala mad da ki nongtih par barit baria kiba pyndonkam ia ka jingtih par ka juk rim ha Jylla.){kind=link}