Nongpoh, Kyllalyngkot 27: Kawei ka Scooter ka don ia u Registration number ML 05 B 5515 kala shah syllad ha kawei ka trok 12 taïar kaba don Ia u registration number ML 05 S 4493 ha ka jingjia aksiden ba jia mynta ka sngi. Katei ka jingjia aksident ka la jia ha kapor 1 baje eiei ha surok bypass jong ka shnong Umsning.
Katkum ki tyllong khubor la ioh jingtip ba katei ka Trok hadien ba ka ladep ban syllad ia katei ka Scooter ka la her krad bad naka liang ki bor Pulit ki la beh bad ioh ban bat noh Ia ka ha Umtrew . Ki Pulit kila kem ia u nongniah bad kurup ia ka trok na ka bynta ban pynlong ia ka jingtohkit.
Ha kane ka jingjia aksident u Nongñiah jong katei ka Scooter u la mynsaw jur bad u ba shong nadien u mynsaw malu mala. Ia kine kiba mynsaw la pynkit noh sha Hospital naka bynta ka jingsumar.
