Guwahati, Nohprah 24 : Ka seng Hindu Kutumba Surakshya Parishad (KSP) kala pynbna ban pynsangeh shuwa shipor ia ka jingiakhih hadien ba khot ka Sorkar Meghalaya ban wan sha ka miej jingiakren ha Shillong ha ka 3 tarik Kyllalyngkot.
Kane ka seng Hindu kala byrngem ban pakhang ia ka surok sha Meghalaya hynne ka sngi Ba-ar (24 tarik Nohprah) ha Byrnihat namar ka jingbym urlong ka jingdawa plie ia ka krem Mawbymbuin ban lehniam ki Hindu.
Ka KSU kala pynthikna ia ka jingpynsangeh ia baroh ki jait jingiakhih tad haduh ka 3 tarik Kyllalyngkot, da kaba pyntip bala don ka jingkhot iakren na ka Ophis ka Deputy Commission ka East Khasi Hills myn ha ka 23 tarik Nohprah.
U President a KSP Satya Ranjan Borah ula ban jur ia kane ka rai ban pynsangeh iakhih da kaba ong “Ngin sa shong bishar ia ki rai bad ki jingmih na kane ka jingialang hashuwa ban shim rai ia kaei pat kaba dei ban leh”.
U Borah ula iai ban ba ka jingthmu jong ka KSP ka long ban kiar ha kaban wanrah ia ka jingshun. “Ngi don hangne ym ban pynmong iano iano ruh la ki dei na kino kino ki niam, ki Jait lane ki Jaidbynriew. Ka kam jong ngi ka iaid kat kum ki bynta bala pynkupbor da ka Article 51 (A) jong ka Riti Synshar ka Ri” ula bynrap.
Kane ka seng kala pynpaw ia ka jingsngewnguh ia ka Sorkar Meghalaya kaba la khot wan iakren bad kyntu ban khot lang ia ki kynhun bapher bapher kum ki nongmihkhmat na ka Sorkar Shnong bad ka Seng Khasi Hima Mawsynram.
Ka KSP kala kyrpad ruh ban pynlong ia ka jinghiar jurip sha krem Mawjymbuin ban tip kham bha shaphang ka krem Mawjymbuin.
