Shillong Lber 01: Ka seng Jaintia Students’ Union (JSU) hynne ka sngi Thohdieng kala kitbok kitrwiang ia ki khynnah pule jong ka jylla ba kin lehbha ha ka eksamin SSLC bad HSSLC 2024.
Katkum ka kyrwoh na u General Secretary ka JSU u samla T Suchen ula kitbok ia ki samla pule ba kin lehbha iaka eksam jong ki namar ka eksam SSLC bad HSSLC kadei kaba donkam tam ha ka jingpule bad kadei ka eksam kaban ailad iangi ia ki samla pule ba kin ioh ban nang bteng shuh shuh ia ki jingpule bapher bapher nangne shakhmat.
“Lada ngi kheiñ bad leh sting ia kine ki ar tylli ki eksam ngi lah ban babe hadien bad lada ngi lehbha ka lawei ba phyrnai ka ap ia kiba leh bha” ong u Nongialam ka JSU.
Kumta ka seng ka kyntu iaki khynnah pule ba kin minot thop bad pynleit jingmut shuwa haka pule kot bad thoh bha iaka eksam SSLC bad HSSLC bad ban ym pyllut por ha ki kamkai ban lait na ka jingbabe hadien habud.
