Shillong, Jymmang 01 : Ka Meghalaya kala sakhi ia ka jingkiew haduh 6% ha ka jingioh lum khajna na ka Goods & Service Tax (GST) bad ka jingiohlum ia kane ka khajna ha u bnai Iaiong 2023 ka long T. 239 klur haba ianujor bad ka T. 227 klur ba ioh lum ha u Iaiong jong u snem bala lah.
Ha kajuh ka por ia ka khajna hapoh ka Ri, ka gross GST bala ioh lum ha u bnai Iaiong 2023 ka long T. 1,87,035 klur ha kaba ka CGST ka long T. 38,440 klur, ka SGST ka long T. 47,412 klur, IGST ka long T. 89,158 klur (kynthup ia T. 34,972 klur ba ioh lum na ki mar ba shalan na shabar) bad ka cess ba T. 12,025 klur (kynthuh ia T. 901 klur ba lum na ki mar ba wan shalan na shabar).
Ka Sorkar kala mang T. 45,864 klur sha ka CGST bad T. 37,959 klur sha ka SGST na ka IGST. Ka jingioh lum khajna baroh lang jong ka Sorkar Pdeng bad ka Jylla ha u bnai Iaiong 2023 hadien bala dep phiah ka long T. 84,304 jong ka CGST bad T. 85,371 klur jong ka SGST.
